Кратовскиот прволигаш Силекс денеска ги започна зимските подготовки. Тренерот Жикица Тасевски ја одржа првата прозивка на фудбалерите, а на неа се најде и повратникот Ѓорѓи Танушев, кој напролет повторно ќе го носи дресот на Силекс по шест месеци поминати во второлигашот Борец.
Силекс првиот дел од подготовките ќе го реализира во Кратово, а на 22.јануари ќе замине во турскиот туристички центар Анталија, каде ќе одигра неколку пријателски натпревари. Во фокусот на кратовци секако е да се подготват добро за пролетниот дел од сезоната и да се обидат го задржат третото место на табелата, кое гарантира излез на европска сцена следната сезона.
По 18 одиграни кола во есенскиот дел од првенството, Силекс освои 31 бод, шест повеќе од четвртопласираниот тим на Академија Пандев и осум бода повеќе од Работнички и од Шкупи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
