Симоновски разочаран: Како после ова пак да заиграм за Македонија?! - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
12/12/2017 22:01
Ракомет
12/12/2017 17:39
Ракомет
12/12/2017 11:00
Коментари
11/12/2017 12:49

Симоновски разочаран: Како после ова пак да заиграм за Македонија?!

Симоновски разочаран: Како после ова пак да заиграм за Македонија?!

Марко Симоновски не го крие своето разочарување од третманот од страна на МКФ, откако Петар Наумоски и неговите најблиски соработници не сакаат да ја прифатат вината за неговата повреда, оставајќи го крилниот кошаркар неколку месеци без плата што редовно ќе беше покриена од ФИБА доколку МКФ благовремено ги осигураше кошаркарите од првиот ден на подготовките.

Симоновски се повреди неколку дена подоцна и се уште е „во аут“, но МКФ наместо да ја признае грешката формираше комисија која донесе трагикомична одлука – повредата била стара.

Останува прашањето кој лекар (на прегледи пред почеток на подготовки) дал зелено светло Марко Симоновски да почне да тренира доколку навистина е повреден, но и отворената дилема кој играч со било каков, макар и минимален здравствен проблем, ќе одговори позитивно на повик од МКФ и селекторот, по ваков мизерен третман кон еден искусен играч како Симоновски.

Не знам што да речам, премногу сум разочаран. Формираат комисија за да утврдат каква повреда била, стара или нова, сакајќи да побегнат од клучното прашање – зошто ние играчите не бевме осигурани од првиот ден на подготовките. Се чувствувам изневерено, како после ова повторно да заиграм за Македонија, знаејќи дека ова може пак да ми се случи, а истите тие пак да побегнат од одговорноста. Не би говорел ништо повеќе, целиот случај ќе го образложам со соопштение до јавноста, за сите да можат да увидат што е вистината и каков е третманот на репрезентативците во Македонија“ – истакна Симоновски за ЕКИПА.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.