„Соколите“ со пресврт во последната четвртина го освоија Куманово - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
19/11/2017 14:58
Кошарка
19/11/2017 12:33
Ракомет
18/11/2017 19:25
Ракомет
18/11/2017 18:59

„Соколите“ со пресврт во последната четвртина го освоија Куманово

„Соколите“ со пресврт во последната четвртина го освоија Куманово

Ниту Куманово не успеа да го запре победничкиот од на кошаркарите на Карпош Соколи на почетокот од новата сезона во Првата македонска кошаркарска лига. „Соколите“ славеа на гостувањето против Куманово во 3. коло со 83-94.

Триумфот на гостите дојде со голем пресврт во последната четвртина, откако првите три периоди претходно комплетно им припаднаа на домашните кошаркари.

Куманово влезе со предност од 9 поени во последната четвртина, 71-62. Но, гостите успеаја последната четвртина да ја добијат со убедливи 12-32, што на крајот значеше и конечен триумф од 83-94.

Најефикасни во победата на гостите беа Соколов со 22 поени и Делиќ со 20 поени. Кај Куманово предводеше Караџовски со 18 поени.

По оваа победа, Карпош Соколи се израмни на врвот од табелата со Блокотехна со по три победи од исто толку натпревари на почетокот од првенството.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.