Србиновски: Имаме проблеми, но чекориме напред... - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Коментари
25/09/2017 12:12
Фудбал
25/09/2017 11:31
Фудбал
25/09/2017 11:43
Ракомет
25/09/2017 9:58

Србиновски: Имаме проблеми, но чекориме напред…

Србиновски: Имаме проблеми, но чекориме напред…

Тренерот на Куманово, Марјан Србиновски, не го криеше големото задоволство по успехот на својот тим и пласманот во големото финале од БИБЛ-лигата. Екс-селекторот на Македонија ги пофали своите играчи, кои и покрај скратениот ростер одговорија на големиот предизвик и стигнаа до посакуваната победа над Пеќ.

Секако дека сме задоволни, имаме на што да бидеме горди бидејќи ќе играме во финалето на БИБЛ-лигата. Имаме проблеми, реално настапуваме со само седум играчи во ростерот и товарот врз нив е огромен, но и покрај се успеваме да чекориме напред. Овој успех ќе ни даде самодоверба во периодот што претстои, иако знаеме дека нема да ни биде лесно во период во кој ќе се игра среда – сабота, особено поради квалитетот на домашното првенство“ – изјави Србиновски.

Реваншот против Пеќ беше исполнет со максимална неизвесност, но „сино-белите“ одговорија на предизвикот и со поените на Живановиќ стигнаа до посакуваното финале.

Лошо го почнавме натпреварот, бевме премногу нервозни што ни се одрази и во нападот и во одбраната. Во второто полувреме заигравме поагресивна одбрана и тоа вроди со плод, се отворија и чисти шутеви, по што влеговме во ритам и успеавме да стигнеме до победата што толку многу ја поскаувавме“ – истакнува тренерот на Куманово.

Србиновски е реален дека кумановци нема да ја имаат улогата на фаворит во големото финале против бугарскиот претставник Берое.

Берое е најквалитетен тим во БИБЛ сезонава, впрочем доказ за тоа е фактот дека во полуфиналниот двомеч со Теодо славеше со вкупно 45 поени предност. Тие ќе бидат фаворити во финалето, но тоа не значи дека ние ќе се предадеме. Напротив, ќе одиграме најдобро што можеме, ќе го оставиме срцето на терен и ќе се обидеме да стигнеме до трофејот. Не можеме да ветиме титула, но сигурно ќе сториме се за уште еднаш достојно да го претставиме Куманово“ – порачува Марјан Србиновски.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.