Станојковиќ: Силна група, нашата публика ќе ужива во силен квалификациски турнир! - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
11/12/2017 12:49
Ракомет
11/12/2017 11:00
Меѓ. Фудбал
10/12/2017 19:26
Кошарка
10/12/2017 19:35

Станојковиќ: Силна група, нашата публика ќе ужива во силен квалификациски турнир!

Станојковиќ: Силна група, нашата публика ќе ужива во силен квалификациски турнир!

Македонските репрезентација до 19 години ќе игра против Англија, Унгарија и Летонија во елитната група квалификации за пласман на ЕП 2019.

Квалификацискиот турнир за пласман на Европското првенство ќе го организираме во Скопје кон крајот на март идната година. Нашата надежна репрезентација одиграа перфектно во групната фаза во Скопје, победувајќи на сите три натпревари и завршија како првопласирани, пред Белгија, Швајцарија и Лихтенштајн. Избраниците на селекторот Вујадин Станојковиќ сега ќе го имаат последниот голем предизвик, пред посакуваниот пласман на завршницата на континенталниот собир. Македонија е носител во елитната група.

„Задоволен сум од исходот на извлекувањето во Нион, мислам дека имаме голема шанса за нов, историски резултат. Групата  е силна, но можеме да се надигруваме со сите, впрочем, тоа го потврдивме со пласманот во Елитната фаза и трите победи против Белгија, Швајцарија и Лихтенштајн. Мислам дека и нашата публика ќе има можност да ужива во натпреварите, ќе играме на домашен терен, за тоа се изборивме и мораме да бидеме задоволни“ изјави селекторот на репрезентацијата до 19 години, Вујадин Станојковиќ, по ждрепката во Нион.

Квалификациите во сите групи мора да завршат до 20. мај, а само најдобрите од сите седум групи ќе бидат дел од завршницата на Европското првенство кое ќе биде во Финска, од 16. до 29. јули.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.