Супер-Лацио со „шлаканица“ за скапиот Милан

Милан потроши над 200 милиони евра на нови фудбалери, но со денешниот дебакл од 4-1 на гостувањето против Лацио станува јасно дека Винченцо Монтела ќе има полни раце работа да ги воигра бројните засилувања кои пристигнаа во летниот преоден рок.

„Росонерите“ попладнево беа целосно разбиени од страна на „лацијалите“, кои покрај четирите погодоци можеа да постигнат уште некој, но сепак покажаа „милост“ кон големиот ривал. Чиро Имобиле беше човекот на одлука, откако италијанскиот репрезентативец во првото полувреме постигна два убави гола за водство од 2-0. Гостите се отворија на стартот од вториот дел и скапо платија, до 50. минута резултатот гласеше 4-0 откако Имобиле го комплетираше својот хет-трик, а веднаш потоа и Бразилецот Алберто го совлада Донарума.

Mонтела потоа ги уфрли во игра Чаланоглу и Калиниќ во 55. минута, но се што успеа да стори гостинскиот тим на овој меч беше почесниот погодок на Монтоливо, а за одбележување е дека Лацио го заврши мечот со десет фудбалер, по црвениот картон што во 90. минута го заработи Пароло.

Ciro Immobile Goal HD – Lazio 1-0 AC Milan – 10… by sonjamacleodCiro Immobile 2nd GOAL HD – Lazio 2-0 Milan 10… by livefutbolllCiro Immobile Hattrick Goal HD – Lazio 3-0 AC… by sharleenguglielmoLuis Alberto Goal HD – Lazio 4-0 AC Milan 10… by Highlights-Serie-ARiccardo Montolivo Goal HD – Lazio 4-1 AC Milan… by jason-pitt1

Се вчитува...