Супер-викенд за Баерн, порази на Лајпциг и на Борусија

Новото 24. коло во Бундес-лигата мина во знакот на Баерн Минхен, откако актуелниот шампион рутински славеше над Ајнтрахт, додека двајцата главни ривали за титулата, Лајпциг и Борусија Дортмунд, претрпеа порази.

Баварците триесетина минути се мачеа да го скршат отпорот на гостите од Франкфурт, за потоа во финишот од полувремето да стигнат до водство од 2-0 преку Левандовски и Даглас Коста. Избраниците на Анчелоти во вториот дел успеаја да постигнат и трет гол, втор за Левандовски, кој стигна до бројката од 100 погодоци во дресот на Баерн.

Лајпциг одигра уште еден потпросечен натпревар на домашен терен, губејќи од Волфсбург со 0-1. Поранешниот член на Баерн, Марио Гомез го постигна водечкиот гол за гостите уште во 9. минута, за потоа Лајпциг и покрај поголемиот посед на топката да не успее да стигне ниту до израмнување, камоли до пресврт.

Нов пораз претрпе и Борусија Дортмунд, откако „милионерите“ загубија на гостувањето против Херта со 2-1. Ибишевиќ несебично го проигра Калу за водство на домаќините од 1-0, Обамејанг израмни на 1-1, пред Платенхарт да му донесе победа на берлинскиот прволигаш со гол во 71. минута.

Резултати Германија:

Баерн М. – Ајнтрахт 3-0, Херта – Борусија Д. 2-1, Лајпциг – Волфсбург 0-1, Дармштад – Мајнц 2-1, Фрајбург – Хофенхајм 1-1.

Bayern Munchen vs Eintracht Frankfurt 3-0 All… by jahjahashani

Mario Gomez Goal HD – RB Leipzig 0-1 Wolfsburg… by fabiolafarrelly

All Goals & highlights HD – Hertha 2-1 Borussia… by FootballLiveGoals

Се вчитува...