Тасовски: Скокот е проблем што треба да го решиме... - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
22/11/2017 18:33
Фудбал
22/11/2017 17:40
Кошарка
22/11/2017 13:30
Фудбал
22/11/2017 11:10

Тасовски: Скокот е проблем што треба да го решиме…

Тасовски: Скокот е проблем што треба да го решиме…

Диме Тасовски беше дополнително повикан во репрезентацијата по повредата на Симоновски, но искусниот крилен кошаркар веднаш става до знаење дека ќе биде значајно оружје на националниот тим во претстојниот претквалификациски циклус. Тој со 18 поени беше најефикасен при вечерашниот триумф над Бугарија, но членот на Работнички останува скромен кога станува збор за личниот ефект, во преден план ставајќи го колективот.

„Се наоѓаме во таква ситуација да мораме да ги користиме сите „оружја“ што ги имаме на располагање. Денеска игравме добро во нападот, се случи така јас да постигнам најмногу поени, но тоа воопшто не е важно. Можеби вечерва јас бев најефикасен, следниот дуел ќе биде некој друг, најважно е да играме добро и да победуваме“ – скромно изјави Тасовски по дуелот со Бугарија.

Како еден од најискусните кошаркари во нашиот состав, Тасовски добро ги согледува позитивните работи, но и слабостите во играта на Македонија во овој период.

Не би можел да кажам на колку проценти сме од нашиот потенцијал, но знаеме дека имаме уште доста за работа и за напредок. Мислам дека во моментов главен проблем ни е скок-играта, тоа е нешто што треба да го поправиме, бидејќи би ни донело дополнителна сигурност во одбраната, воедно и би можеле да отвориме контранапади и да постигнуваме лесни поени во нападот. Во секој случај сме задоволни од формата во овој дел од подготовките, имаме доволно време да работиме за да бидеме уште подобри. Очекувам на претстојниот турнир во следниот викенд да прикажеме уште поквалитетна кошарка“ – истакнува Тасовски.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.