Теодосиќ: Не дојдов во НБА-лигата да седам на клупа - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
11/12/2017 12:49
Ракомет
11/12/2017 11:00
Меѓ. Фудбал
10/12/2017 19:26
Кошарка
10/12/2017 19:35

Теодосиќ: Не дојдов во НБА-лигата да седам на клупа

Теодосиќ: Не дојдов во НБА-лигата да седам на клупа

Новиот кошаркар на ЛА клиперс, Милош Теодосиќ на „ден за медиумите“ во НБА, истакна дека е подготвен да одговори на предизвикот во најсилната кошаркарска лига, и дека не планира да ја грее клупата.

„Долго време чекав да дојдам во САД, и подготвен сум да ги докажам моите квалитети. Сакам да се натпреварувам, не дојдов во НБА-лигата само за да седам на клупа. Сакав и порано да играм во оваа лига, но бев под договор. Ја искористив првата прилика за доаѓање тука, само што ми истече договорот со ЦСКА одлучив да го прифатам повикот од НБА“, вели Теодосиќ.

Српскиот репрезентативец ќе има прилика повторно да соработува со Патрик Беверли, плејмејкерот со кого заедно ги бранеа боите на ЦСКА Москва и Олимпијакос.

„Адаптацијата е полесна кога покрај мене е Патрик Беверли отколку со други плејмејкери, со него соработував во ЦСКА и Олимпијакос. Но, една од причините за кои пристигнав во Клиперс се Бејк Грифин и Деандре Џордан, тие се најдобриот тандем под кошот во НБА, па мислам дека за брзо време ќе се воиграме. Сепак, ми преостанува многу работа, морам да го приспособам моето тело на оваа лига, бидејќи е физички потешко да се игра во НБА од било која друга лига во светот“, додаде Теодосиќ.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.