„The Best“: За кого гласаа Пандев и Ангеловски... - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
28/04/2017 21:43
Фудбал
28/04/2017 20:02
Фудбал
28/04/2017 10:08
Ракомет
27/04/2017 21:31

„The Best“: За кого гласаа Пандев и Ангеловски…

„The Best“: За кого гласаа Пандев и Ангеловски…

Кристијано Роналдо сосема заслужено се закити со признанието „Тhe Best“, кое ФИФА вечерва за првпат го додели по разделбата од „Франс Фудбал“ и повторното организирање на сопствен избор за најдобар светски фудбалер.

Во изборот на ФИФА повторно покрај новинарите учествуваа и капитените и селекторите на сите светски национални селекции, а интересно е што и Горан Пандев и Игор Ангеловски гласаа идентично. Имено, македонскиот капитен и селектор му дадоа максимални пет гласа на Кристијано Роналдо, по три гласа од Пандев и од Ангеловски доби Меси, додека по еден глас заврши на контото на Антоан Гризман.

Од останатите капитени, Дани Алвеш го игнорирал Роналдо и гласовите ги поделил за своите поранешни соиграчи од Барселона (Меси, Нејмар и Суарез), Един Џеко гласал за Роналдо, Меси и Суарез, Руни еден глас му дал на Џејми Варди (пет за Роналдо, три за Суарез), Мануел Нојер гласовите ги подели на Тони Крос, Месут Озил и Роберт Левандовски, а Буфон му даде предност на Меси пред Бејл и Роналдо.

Што се однесува до селекторите, Јоаким Лев гласаше за „своите“ Крос, Озил и Нојер, Италијанецот Вентура за Буфон, Нојер и Роналдо, Шпанецот Лопетеги за Меси, Роналдо и Рамос, а интересен беше изборот на чилеанскиот селектор Пици, кој му даде пет гласа на Алексис Санчез, а не даде гласови за второ и трето место.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.