Тодоров со Пеќ го растури Кожув во БИБЛ - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Кошарка
28/07/2017 0:03
Ракомет
27/07/2017 20:56
Фудбал
27/07/2017 20:21
Ракомет
27/07/2017 13:26

Тодоров со Пеќ го растури Кожув во БИБЛ

Тодоров со Пеќ го растури Кожув во БИБЛ

Кожув е многу далеку од пласман во полуфиналето од БИБЛ-лигата откако македонскиот прволигаш вечерва загуби со преубедливи 83-66 на гостувањето во Косово против Пеќ. Екс-тренерот на МЗТ Скопје, Александар Тодоров, целосно ја доби тактичката битка со Игор Михајловски, па Пеќ водеше од почеток до крај и со одлични 17 поени предност ќе патува на ревнашот во Гевгелија.

Кризата и негрижата на управата за која тренерот Михајловски се пожали во текот на вчерашниот ден очигледно се одразува врз настапите на гевгеличани, кои денеска не наликуваа на тимот што играше одлична кошарка во последните неколку месеци. Пеќ го искористи тоа, доминираше во речиси целиот натпревар, па сега пред „црвено-белите“ од Гевгелија е исклучително тешка задача – да ја надминат огромната негатива ако сакаат да стигнат до полуфиналето во регионалното натпреварување.

Мекнил со 21 и Крстевски со 14 поени беа најефикасни кај Кожув, додека прв стрелец на Пеќ беше Американецот Камерон Рандлс со 20 поени.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.