Трајковски во јануари си заминува од Палермо - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42
Фудбал
23/11/2017 19:31

Трајковски во јануари си заминува од Палермо

Трајковски во јануари си заминува од Палермо

Македонскиот репрезентативец Александар Трајковски сосема извесно во јануари ги напушта редовите на италијанскиот второлигаш Палермо.

25-годишниот Трајковски оваа сезона и тоа како очигледно е потценет од страна на клубот поради што се поотворено се најавува неговото заминување од Палермо, и покрај тврдењата на раководството дека македонскиот фудбалер не е и нема да биде на продажба.

Александар Трајковски на почетокот од новата сезона во Италија речиси и воопшто да не добива шанса во дресот на Палермо. Сето тоа, во голема мера дополнето и со постојаните изјави на првиот човек на клубот Маурицио Зампарини дека не е задоволен од формата на Трајковски, потврдува за извесната определба македонскиот фудбалер од јануари да ја промени средината. Според дел од информациите од Италија, интерес за Трајковски постои од неколку тимови од Серија Б, но постои можност и за негово враќање во Белгија од каде во јуни 2015 се пресели на Апенинскиот полустров.

Македонскиот фудбалер оваа сезона се најде на само седум натпревари за Палермо, и тоа главно настапувајќи со мала минутажа како замена, притоа постигнувајќи само еден погодок.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.