Три гола на Лазаров во новиот пораз на Нант - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
17/11/2017 20:24
Фудбал
17/11/2017 15:37
Ракомет
17/11/2017 12:37
Кошарка
17/11/2017 9:55

Три гола на Лазаров во новиот пораз на Нант

Три гола на Лазаров во новиот пораз на Нант

Кире Лазаров со Нант претрпе уште еден пораз во француското првенство, вкупно четврти во осум одиграни натпревари. По поразот од Шамбери на домашен терен, Нант остана без бодови и на гостувањето против Иври (30-29) и падна на 7.место на табелата.

Тимот на Лазаров на полувремето имаше гол предност (15-16), во поголем дел од второто полувреме се играше изедначено гол за гол, но во последните десет минту, Иври ја презеде иницијативата. Домаќините поведоа со 26-24, Нант неколку пати успеваше да стигне до изедначување, но не и да го преземе водството и на крај остана без бодови.

Лазаров заврши со три погодоци, еден од седмерец и два од игра од вкупно седум шута кон противничкиот гол. Најефикасен во составот на Нант беше Давид Балагер со девет гола.

Изненадување во ова коло во Франција приреди Ним кој му го нанесе првиот пораз на фаворитот ПСЖ (26-24). По 8.коло, Монпелје е единствен без пораз во францускиот шампионат со седум победи и едно реми и моментно е на лидерската позиција со 15 бода, пред Ним и ПСЖ со по 14. Нант е на 7.место со осум бода.

 

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.