Европската ракометна федерација номинира по пет најдобри ракометари на секоја позиција што конкурираат за место во ол-стар тимот оваа сезона во во Лигата на шампионите. Покрај најдобрата седморка, ЕХФ бира и најдобар дефанзивец, најдобар млад играч и најдобар тренер во ЛШ.
Во конкуренција за место во идеалниот тим во ЛШ на позицијата десен бек е македонскиот репрезентативец во дресот на Барселона, Кире Лазаров. На истата позиција во конкуренција е и бекот на Вардар, Алекс Душебаев. Тој е еден од тројцата ракометари на Вардар што се најдоа во овој избор. Покрај Душебаев, за најдобро лево крило конкурира Тимур Дибиров, а Илија Абутовиќ е еден од петте најдобри дефанзивци во ЛШ.
Признание за извонредната сезона на Вардар во ЛШ, доби и тренерот на „црвено-црните“, Раул Гонзалес. Тој е во потесниот избор за тренер на годината во ЛШ, заедно со Чави Пасквал (Барселона), Патрис Канаје (Монпелје), Хуан Карлос Пастор (Пик Сегед) и Љубомир Врањеш (Фленсбург).
За ол-стар тимот во Лигата на шампионите може да гласате до 30 мај, на следниот линк:
http://info.salming.com/allstarteam#vote
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
