Цедевита поведе со плус 15, но само ја налути Црвена звезда - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
12/12/2017 22:01
Ракомет
12/12/2017 17:39
Ракомет
12/12/2017 11:00
Коментари
11/12/2017 12:49

Цедевита поведе со плус 15, но само ја налути Црвена звезда

Цедевита поведе со плус 15, но само ја налути Црвена звезда

Црвена звезда поведе со 1-0 во финалната серија од АБА-лигата против Цедевита, откако бранителот на трофејот со огромен пресврт славеше над актуелниот вицешампион Цедевита со резултат 81-66. Хрватскиот тим ги изненади сите со неверојатната игра на почетокот, кога гостите од Загреб набрзина дојдоа до предност од огромни 15 поени разлика (6-21, 8-23), но и тоа беше недоволно за да се направи „брејк“ на жешкиот терен во Белград.

На „црвено-белите“ не им требаше премногу време за да ја надополнат големата негатива откако веќе во 15. минута со тројката на Џенкинс поведоа со 31-30, а нешто подоцна имаа и предност од 40-33. Цедевита пред крајот на полувремето намали на само еден поен разлика (45-44), но избраниците на Радоњиќ фуриозно го почнаа третиот период, набрзина поведоа со 58-47 и до крајот на натпреварот не му дозволија на гостинот да се врати, завршувајќи го мечот со конечни 15 поени разлика.

Џенкинс со 20 поени беше прв стрелец кај победничката екипа, пред Кузмиќ и Волтерс со по 14. Кај Цедевита, во чии редови премногу се почувствува отсуството на повредените Боутрајт и Араповиќ, најефикасни беа Томас со 14 и Билан и Џејмс со по 12 поени.

Вториот натпревар од оваа финална серија на програмата е веќе утре, повторно во Белград, со почеток во 18.30 часот.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.