Црвена звезда без мака го реши Будуќност за финале во АБА - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
18/08/2017 19:45
Фудбал
18/08/2017 11:31
Фудбал
18/08/2017 9:19
Фудбал
17/08/2017 22:46

Црвена звезда без мака го реши Будуќност за финале во АБА

Црвена звезда без мака го реши Будуќност за финале во АБА

Црвена звезда ќе се сретне со Цедевита во репризата на ланското финале од АБА-лигата откако српскиот првак славеше во вечерашната мајсторка против Будуќност со убедливи 82-59. Сосема очекувано, избраниците на Дејан Радоњиќ не дозволија ново изненадување како она од пред една седмица во Подгорица, го контролираа мечот во текот на сите 40 минути и на крајот заслужено стигнаа до пласман во големото финале.

Црвена звезда беше подобар противник од самиот почеток, па пред крајот на првата четвртина поведе со 21-11. Будуќност по финишот од првиот и стартот на вториот период стигна до израмнување на 21-21, но следеше тајмаут на Радоњиќ по кој „црвено-белите“ се консолидираа и повторно заиграа во посакуваниот ритам. На полувреме се замина со водство на домаќините од 35-29, за потоа Црвена звезда фуриозно да влезе во третиот дел од натпреварот. Клучен момент беше 22. минута, кога Савовиќ најпрвин ја загуби топката, потоа направи лична грешка, а за приговорите кон судиите доби и техничка грешка. Симоновиќ ги погоди трите слободни фрлања, а при следниот напад истиот кошаркар реализираше и тројка за Црвена звезда, по што разликата се искачи на 16 поени (45-29). Неколку минути подоцна домаќините стигнаа и до „плус 20“ (53-33), по што рутински го контролираа резултатот се до самиот крај и конечната победа од 82-59.

Џенкинс постигна 17, Симоновиќ 14, а Кузмиќ 13 поени во ова победа на „црвено-белите“, кои в петок го играат клучниот натпревар од Евролигата во Истанбул против Дарушафака, на кој победа ќе значи пласман во четвртфиналето од елитното европско натпреварување.

Финалната серија од АБА-лигата меѓу Црвена звезда и Цедевита стартува со мечот во Белград закажан за 10 април.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.