У-16: Реми на вториот тест со Ерменија (2-2) - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
26/04/2017 19:27
Фудбал
26/04/2017 18:36
Фудбал
26/04/2017 18:03
Фудбал
26/04/2017 18:12

У-16: Реми на вториот тест со Ерменија (2-2)

У-16: Реми на вториот тест со Ерменија (2-2)

Македонската репрезентација до 16 години ремизираше (2-2) со Ерменија на вториот контролен натпревар на тренинг центарот „Петар Милошевски“ во Скопје.

Емил Скоко постигна прекрасен погодок во 21. минута за отворање на резултатот. Избраниците на селекторот Горан Станиќ во првото полувреме не искористија уште една добра прилика за удвојување на предноста преку Бојан Димоски. Неговиот удар го одбрани гостинскиот голман. Во судиското надополнување главниот судија покажа пенал за Ерменија откако со рака во шеснаесетникот играше еден од нашите дефанзивци. Шагојан беше сигурен реализатор на најстрогата казна за израмнување на 1-1.

Во првата минута од второто полувреме Куштрим Таири ја погоди стативата од голот на Ерменците, а само две минути подоцна Бојан Димовски го искористи невниманието на гостинската одбрана и погоди за 2-1.

Сепак, во 56. минута младите фудбалери на Ерменија повторно го израмнија резултатот со погодокот на Хамбарџумјан. До крајот двете репрезентации не создадоа вистинска шанса за постигнување гол.

ПРИЈАТЕЛСКИ НАТПРЕВАР – У16

МАКЕДОНИЈА – ЕРМЕНИЈА 2-2 (1-1)

Македонија: 1. Матеј Андов, 3. Ален Личлина, 4. Емил Скоко (Амар Колашинац 75. минута), 5. Кристијан Трпчевски, 6. Божидар Митревски, 7. Кире Трпчевски (Давид Тошевски 21. минута), 13. Ване Тасевски, 15. Владан Новевски, 16. Бојан Димоски (Агрон Елези 51. минута), 18. Ален Јусуфов (Бафтијар Бесир 21. минута), 20. Куштрим Таири;

Ерменија: Аветисјан, Асатријан, Газаријан, Хамбарѕумјан, Карапетјан, Мкрткјан, Шагојан, Мурадјан, Гуламбрајан, Петросјан, Григорјан;

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.