Услови какви што нема во Прва лига – еве зошто Радовиш ита кон елитата (ФОТО) - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
13/12/2017 14:50
Меѓ. Фудбал
13/12/2017 14:42
Кошарка
12/12/2017 22:01
Ракомет
12/12/2017 17:39

Услови какви што нема во Прва лига – еве зошто Радовиш ита кон елитата (ФОТО)

Услови какви што нема во Прва лига – еве зошто Радовиш ита кон елитата (ФОТО)

Радовиш игра одлично во оваа 2017 година и овој кошаркарски второлигаш е се поблизу до пласман во Првата лига за следната сезона. Убедливата победа над Гостивар во дербито од минатото коло беше само уште еден доказ за моќта на радовишани, кои делуваат крајно сериозно по соработката со новиот клуб Блоко Техна од Гевгелија.

Токму благодарение на Блоко Техна боите на Радовиш во вториот дел од сезонава ги бранат искусни играчи како Гоцевски, Младеновиќ и Аврамовски, како и Цветковски и Главчев како играчи чии најдобри игри допрва ќе следат.

Резултатите на клубот не се никакво изненадување ако се земат во предвид беспрекорните услови за работа што ги имаат кошаркарите, кои од понеделник до среда работат во новоизградената модерна сала во Гевгелија, на ниво далеку над арените во кои настапуваат поголемиот дел од македонските прволигаши.

Кошаркарите од понеделник до среда тренираат во оваа сала, за последните два дена пред викенд-натпреварите тренинзите да ги одржуват во Радовиш, во салата каде се домаќини.

Вакви услови навистина нема во речиси ниедна сала во Македонија и ние сме горди поради тој факт. Работиме напорно на тренинзите, а целта е една и единствена – да помогнеме Радовиш да влезе во Првата лига. Резултатите во Втората лига во последно време ни се одлични, а напоредно играме пријателски натпревари со прволигашки екипи, како и со екипи од Грција“ – изјавува Марјан Илиевски, кој е предводник на проектот „Блоко Техна“.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.