Вардар и после Целје е стопроцентен во СЕХА - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
24/11/2017 17:32
Кошарка
23/11/2017 21:55
Фудбал
23/11/2017 20:53
Кошарка
23/11/2017 19:42

Вардар и после Целје е стопроцентен во СЕХА

Вардар и после Целје е стопроцентен во СЕХА

Европскиот ракометен првак Вардар и понатаму има стопроцентен ефект во СЕХА – лигата. И по гостувањето кај Целје „црвено-црните“ остануваат со максимален победнички ефект, откако го совладаа домашниот тим со 28-31.

Целје подобро го започна натпреварот и поведе со 5-3, но со двата гола на Шишкарев дојде израмнувањето на 6-6, а потоа Вардар го презеде водството и на полувремето замина со три гола предност (13-16).

Во 37.минута, вардарци имаа и пет гола позитива (15-20), но во финишот Целје сепак се доближи на само гол негатива (25-26). Сепак, искуството на Вардар дојде до израз во завршните моменти, па тимот на Раул Гонзалес славеше нов триумф.

Тимур Дибиров и Данил Шишкарев со по шест гола беа најефикасни во составот на Вардар, а Вујовиќ, Кодриќ, Млакар и Аниќ запишаа по пет гола за тимот на Целје.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.