Македонската фудбалска репрезентација денеска напладне во хотелот „Гранд Плаза“ го имаше првиот собир во пресрет на пријателскиот натпревар против Норвешка на 11 ноември. Дефанзивецот Дарко Велковски верува дека и покрај неколкумината отсутни фудбалери, националниот тим ќе продолжи со добри игри и дека ќе оствари победа за крај на 2017 година.
„Ова ќе биде добар тест за нас против Норвешка. Ќе имаме можност дополнително да се воиграме, но се надевам и дека ќе оствариме победа. Имаме позитивна серија на последните неколку меча и се надевам дека ќе ја заокружиме оваа година и со триумф против Норвежаните. Ќе биде тоа убава проверка за нашите моментни можности“, изјави Дарко Велковски на брифингот со новинарите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
