Наполи по теркот на Јувентус рутински ја стартуваше новата калчолигашка сезона, триумфирајќи со 1-3 на гостувањето против Верона. „Наполитанците“ немаа достоен ривал во повратникот во елитното друштво, кој им дозволи целосно да доминираат, лесно да создаваат шанси, притоа да постигнат и три погодоци иако можеа и многу повеќе.
Резултатот го отвори домашниот фудбалер Супрајен со смешен автогол, но затоа вториот погодок беше мајсторски изработен, со прекрасен удар на Милик по маестралната асистенција на Инсиње. Хисај на почетокот од второто полувреме зголеми на 0-3, а истиот фудбалер пред крајот заработи црвен картон, по кој Пацини од пенал ги постави конечните 1-3.
Verona 1-3 SSC Napoli – All goals & Highlights… by Soccer_LENS
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
