Вестбрук повторно неверојатен со 49 поени, но Харден славеше во дербито на вечерта - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
26/02/2017 19:03
Ракомет
26/02/2017 17:02
Фудбал
26/02/2017 16:24
Фудбал
26/02/2017 15:59

Вестбрук повторно неверојатен со 49 поени, но Харден славеше во дербито на вечерта

Вестбрук повторно неверојатен со 49 поени, но Харден славеше во дербито на вечерта

Изминатава ноќ беа одиграни осум меча во НБА лигата.

Индијана со 121-109 го надигра Бруклин, а тројката Пол Џорџ (26 поени), Тарнер (25 поени и 15 скока) како и Џеф Тиг (21 поен и 15 асистенции) буквално ги растури немоќните гости.

Неизвесен натпревар одиграа Детроит и Шарлот. Пистонси на домашен терен славеа со 115-114 во „луда“ завршница. Јунак во победата беше Кемба Волкер кој постигна 32 поени. На спротивната страна Тобиас Харис постигна 25 поени, а Реџи Џексон – 22 поени и на тоа дополни и 11 асистенции.

И Торонто на домашен паркет славеше против Јута со 101-93, а Лаури постигна 33 поени, надополнет од ДеРозан со 23 поени и Валанчиунас со 18 поени и 13 скока.

Во дербито на вечерта, Хјустон со 118-116 беше подобар од Оклахома на која залудни и беа и 49 поени на Расел Вестбрук. Џејмс Харден имаше „дабл-дабл“ против поранешниот свој тим постигнувајќи 26 поени и 12 асистенции, а имаше и 8 скока.

На крилјата на Денис Шродер, кој постигна 23 поени, Атланта славеше со 99-94 против Њу Орлеанс, додека Феникс беше подобар од Далас на гости со 102-95.

И Портланд со 118-109 славеше против ЛА Лејкерс во мечот во кој МекКолум постигна 27 поени, Лилард имаше 21 поен и 10 асистенции, а на спротивната страна Расел заврши со 22 поени.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.