Челси мора да постигне најмалку еден гол на „Камп ноу“ ако сака да се пласира во четвртфиналето од Лигата на шампионите, но јасно е дека англискиот првак ќе игра со затворена формација против атомскиот состав на Барселона. Вилијан, кој беше стрелец на единствениот гол за Челси при ремито од 1-1 од првиот натпревар, е свесен дека пред „сините“ е пеколно тешка задача, да се земе скалпот на каталонскиот гигант кој игра одличен фудбал сезонава.
„Јасно ни е против кого играме, свесни сме дека ќе мораме да одиграме перфектен натпревар ако сакаме да победиме. Барса ќе ја има топката во свои нозе, тоа е повеќе од сигурно, но знам и дека ќе ни се остави простор за контранапади. Клучот е да бидеме ефикасни во реализацијата на шансите што ќе ги создадеме. Мотивирани сме, сакаме да ја финишираме сезонава како што треба, да стигнеме што подалеку во ЛШ, но и да го освоиме најмалку четвртото место во Премиер-лигата“ – изјави Вилијан на денешната прес-конференција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
