Во нов паричен перформанс навивачите на Баерн Минхен на домашниот натпревар против ПСЖ (3-1), по трет пат протестираа поради она што се случува во фудбалот. Тие на свој начин протестираат против расфрлањето со неверојатни милионски суми за играчите и претворањето навивачите во консументи кои поради тоа мора да плаќаат скапи влезници.
На гостувањето во Париз во септември, навивачите на Баерн извадија транспарент: „75 евра за влезница? Не сме Нејмар. Цените на влезниците мора да бидат разумни“.
Минатиот месец тие го изразија својот револт и на гостувањето кај Андерлехт. На трибините извадија транспарент „100 евра за влезница? Дали ваша алчност е задоволена?, а на терентот во Брисел фрлаа купчиња со лажни пари од 500 евра.
Досетливите минхенски навивачи во последното коло одново го дигнаа својот глас. Доаѓањето на најскапиот фудбалер на денешницата во Минхен го „поздравија“ со нова акција. На терен полетаа илјадници банкноти од 500 евра со ликот на Нејмар, играчот платен 222 милиони евра.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
