Војдан конечно победи, „шестка“ на Димитријевиќ против Барса - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Кошарка
23/09/2017 15:05
Кошарка
23/09/2017 14:52
Фудбал
23/09/2017 12:57
Ракомет
22/09/2017 19:52

Војдан конечно победи, „шестка“ на Димитријевиќ против Барса

Војдан конечно победи, „шестка“ на Димитријевиќ против Барса

Војдан Стојановски и тимот на Бетис ја прекинаа серијата порази што траеше повеќе од два месеци, откако попладнево триумфираше на гостувањето против Фуенлабрада со 67-72. „Зелено-белите“ својот последен триумф го имаа забележано на 8 јануари, кога ја совладаа Уникаха, но Стојановски и соиграчите овојпат заиграа на посакуваното ниво, го издржаа притисокот од противниците и стигнаа до посакуваната победа која им е од огромно значење во битката за опстанок. Македонскиот репрезентативец го заврши натпреварот со четири поени, три скока и една асистенција, прескромен ефект за играчот кој вообичаено е еден од лидерите на тимот на Бетис.

Хувентуд претрпе убедлив пораз на домашен терен од Барселона (56-76), меч во кој Ненад Димитријевиќ одигра неполни десет минути за домашниот тим. Хувентуд мечот го загуби со очајната трета четвртина што гостите ја добија со 6-29, решавајќи ги сите дилеми околу победникот. Младиот македонски кошаркар го заврши мечот со шест поени против каталонскиот гигант, со две погодени тројки од три обиди во второто полувреме.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.