Врањеш: Вардар е „тврд орев“, но историјата може да се повтори - Екипа
Сакај СПОРТ!   Читај Спорт!   Живеј СПОРТ!
Ekipa
Кошарка
19/08/2017 23:06
Кошарка
19/08/2017 22:06
Фудбал
19/08/2017 18:54
Останато
19/08/2017 18:06

Врањеш: Вардар е „тврд орев“, но историјата може да се повтори

Врањеш: Вардар е „тврд орев“, но историјата може да се повтори

По втор пат во последните четири години Вардар против Фленсбург ќе се бори за место на Ф4 турнирот од Лигата на шампионите во Келн. Во првиот натпревар „црвено-црните“ в сабота ќе играат во гости, а реваншот е на 27 април во Скопје. Со ист распоред беше и првата четвртфинална пресметка меѓу овие две екипи во сезоната 2013/2014. Тогаш Фленсбург славеше на домашен терен со 24-22, а Вардар со идентична предност беше поуспешен на домашен терен (25-27). Но, оној историски погодок на Андрес Егерт од седмерец и повеќето постигнати голови на гостински терен тогаш ги урнаа соништата на вардарци, а Фленсбург го однесоа на Ф4 турнирот во Келн на кој потоа Германците ја освоија и шампионската титула.

Дали ќе се повтори историјата за Фленсбург, или Вардар годинава сепак ќе успее да ги наплати старите долгови и во четвртиот обид ќе успее да стигне до завршницата на ЛШ во Келн?

„Црвено-црните“ ја играат најдобрата сезона во ЛШ и како првопласирани во групната фаза прв пат обезбедија директен пласман во четвртфиналето што им носи голема самодоверба и желба сезоната да се круниса со настап на Ф4.

Фленсбург до четвртфиналето стигна преку тешката осминафинална пресметка со Мешков Брест. Во германскиот тим сега се надеваат дека во четвртфиналето со Вардар ќе им се повтори историјата и  новиот Ф4 ќе биде идеално збогување на тренерот Љубомор Врањеш со тимот.

Вардар е исклучително силен оваа сезона. Ќе биде исклучително тешко да се скрши овој „тврд орев“. Но, ние се надеваме дека ќе ги победиме во четвртфиналето, и дека историјата ќе се повтори, а ние повторно ќе играме во Келн“ – изјави Љубомир Врањеш во изјавата за официјалниот сајт на ЕХФ.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.