Врвно засилување: Рочести ќе ја разигрува Црвена звезда - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
22/11/2017 18:33
Фудбал
22/11/2017 17:40
Кошарка
22/11/2017 13:30
Фудбал
22/11/2017 11:10

Врвно засилување: Рочести ќе ја разигрува Црвена звезда

Врвно засилување: Рочести ќе ја разигрува Црвена звезда

Црвена звезда се најде во непријатна ситуација по заминувањето на голем дел од ланските асови, но раководството на првакот на АБА-лигата заврши одлична работа со доведување на адекватни замени.

„Црвено-белите“ за последна ја оставија позицијата плејмејкер, но и таму најдоа одлично решение потпишувајќи договор со Тејлор Рочести. Станува збор за американски кошаркар кој поседува и црногорски пасош, откако пред неколку години настапуваше за оваа репрезентација. Рочести во кариерата има настапувано за бројни врвни клубови како Монтепаски Сиена, Макаби, Каха лаборал, а минатата сезона ја мина во дресот на Локомотив Кубан, тим за кој во Еврокупот имаше просек од 11,4 поени и 3,2 асистенции по натпревар.

Тој е второто суперзасилување за Црвена звезда по ангажманот на Џејмс Фелдеин од Панатинаикос, а договори со „црвено-белите“ летово потпишаа и Марко Кешељ, Стефан Јанковиќ, Никола Јовановиќ и Матијас Лесорт.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.