Лидерот на табелата во Втората лига Исток, тимот на Беласица, имаше убедлив старт на пролетниот дел од сезоната. Струмичкиот тим го декласира тимот на Победа Валандово со 1-8 и докажа дека размислува сериозно за пласман во Првата лига. По два гола постигнаа Мартин Мирчевски, Горан Здравков и Миле Костовски, а во листата на стрелците за струмичкиот тим се запишаа и Крсте Тодоров и Марјан Ташев.
Борец исто така беше сигурен совладувајќи ја Плачковица на домашен терен со 4-1. Брегалница освои три важни бода со триумфот од 1-0 против Тиквеш, додека Кожув и Каменица Саса ремизираа 1-1.
На табелата води Беласица со 33 бода, пред Борец кој има 29, а на третата позиција е Брегалница со 28 бода…
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
