Еден од најголемите фаворити за освојување на првото место сезонава во Втората лига – Запад, екипата на Струга Трим Лум со победа го започна годинашниов шампионат.
Стружани пред своите навивачи, во локалното дерби, славеа против Лабуништа со 2-0. Стрелци на головите беа Аљтин Лога во 15. минута и Љупчо Трпески во 79. минута од средбата.
Интересен натпревар одиграа и Тетекс и Зајази кој го добија „штофарите“ со 3-2. Реџепи, Јовановски и Марио Станковски беа стрелци за Тетекс, а Руфати и Џеладини за Зајази.
Гостивар дојде до победа од 1-0 против Локомотива со голот во 56. минута на Башким Љама во 56. минута.
Новаци победи против Еуромилк пред своите навивачи со 2-0, со головите на Мартин Никовиќ во 42. минута и Христијан Петрески во 82. минута од натпреварот.
РЕЗУЛТАТИ – 1. КОЛО
Струга Трим Лум – Лабуништа 2-0
Гостивар – Локомотива 1-0
Тетекс – Зајази 3-2
Македонија ЃП – Велазерими 0-2
Новаци – Еуромилк 2-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
