На последниот ден од рокот на ЕХФ за пријавување на пошироките списоци за ЕП 2018 во Хрватска својата листа од 28 имиња ја откри и селекторот на Словенија, Веселин Вујовиќ.
Трофејниот стручњак од македонската ракометна сцена и овојпат како и во јануари ќе биде голем ривал на нашите репрезентативци, а Вујовиќ повторно на располагање ќе има исклучително талентиран состав.
Десниот бек на Барселона, Јуре Доленец, би требало да е „во аут“ до февруари, но Вујовиќ сепак го смести на својот список во надеж дека би можел да го има во тимот доколку дојде до побрза рехабилитација. Голем плус е и камбекот на Бомбач, бекот на Кјелце кој поради повреда не настапи на СП во Франција, но овојпат би требало да му биде на располагање на словенечкиот селектор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
