Словенечкиот селектор Веселин Вујовиќ го скрати списокот од 28 ракометари, избирајќи седум „резерви“ кои воопшто нема да се појават на стартот на подготовките.
Изненадувачки, Вујовиќ го избриша од списокот Деан Бомбач, кој настапува за Кјелце, давајќи му предност пред него на Патрик Лебан од Нексе.
Воедно, Вујовиќ се уште не го отпишува Јури Доленец, давајќи му шанса на десниот бек на Барселона да се рехабилитира предвреме и да се обиде да се најде на завршниот список за ЕП во Хрватска.
Словенија ќе биде прв ривал на македонската репрезентација на овој европски шампионат, меч што ќе се игра во Загреб на 13 јануари.
СПИСОК СЛОВЕНИЈА
ГОЛМАНИ: Урх Кастелич (Загреб), Урбан Лесјак (Целје), Матевж Скок (Загреб).
ЛЕВИ КРИЛА: Дарко Цингесар (Пау), Нико Медвед (Горење).
ЛЕВИ БЕКОВИ: Саша Баришиќ Јаман (Нексе), Јан Гребенц (Горење), Ник Хенигман (Рибница), Борут Мацковшек (Целје).
СРЕДНИ БЕКОВИ: Марко Безјак (Магдебург), Патрик Лебан (Нексе), Миха Зарабец (Кил).
ДЕСНИ БЕКОВИ: Нејц Цехте (Горење), Јуре Доленец (Барселона), Вид Кавтичник (Монпелје), Жига Млакар (Целје).
ДЕСНИ КРИЛА: Блаж Јанц (Кјелце), Гаспер Маргуч (Веспрем).
ПИВОТИ: Блаж Благотиншек (Веспрем), Матеј Габер (Пик Сегед), Игор Забиќ (Висла).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
