Илија Несторовски неодамна го продолжи договорот со Палермо до 2021 година, но многу лесно може да се случи Македонецот веќе во јануари да го напушти сицилијанскиот клуб. Тоа не е желба на самиот фудбалер, кој во неколку наврати ја потенцираше и ја докажа верноста кон својот клуб, туку принудно решение на Палермо за решавање на финансиските проблеми.
Претседателот Маурицио Зампарини, кој во неколку наврати ја потенцираше лојалноста на Македонецот, најави дека Нестор-гол би можел да си замине во блиска иднина доколку не бидат најдени нови газди за клубот.
„Несторовски е одличен фудбалер, кој е предводник на нашиот проект за враќање во елитата. Потпиша и нов договор, но јас веќе ставив до знаење дека доколку не бидат најдени нови газди оние најплатени играчи ќе мора да си заминат за да ги намалиме трошоците за функционирање“ – изјави Зампарини.
Несторовски со новиот договор е еден од најплатените фудбалери на Палермо, па јасно е зошто навивачите на сицилијанскиот клуб повторно стравуваат од евентуално заминување на нивниот миленик. Според последните информации, сериозен интерес за македонскиот голгетер покажува Торино, кој е подготвен да плати и 12 милиони евра за да го доведе Несторовски во своите редови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
