Заврши АБА-лигата: Црвена звезда го „избра“ Будуќност за ривал во полуфиналето - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Кошарка
23/05/2017 20:09
Фудбал
23/05/2017 17:45
Кошарка
23/05/2017 17:06
Фудбал
23/05/2017 14:20

Заврши АБА-лигата: Црвена звезда го „избра“ Будуќност за ривал во полуфиналето

Заврши АБА-лигата: Црвена звезда го „избра“ Будуќност за ривал во полуфиналето

Со вечерашниот натпревар меѓу Црвена звезда и Будуќност и официјално е завршен лигашкиот дел од АБА, со комплетирањето на 26. рунда од регионалното кошаркарско натпреварување. „Црвено-белите“ славеа на домашен терен со убедливи 82-66, на тој начин „избирајќи“ го токму Будуќност за свој ривал во четвртфиналето. Имено, во случај на пораз вечерва Црвена звезда за противник во полуфиналето ќе го имаше Партизан, но избраниците на Радоњиќ професионално си ја одработеа задачата, уште еднаш потврдувајќи дека се тим број 1 на овие простори.

Црногорскиот шампион издржа неполна четвртина на гостувањето во „Пионир“, потоа Црвена звезда заигра нешто подобро, по десет минути игра имаше водство од 27-22, што во второто полувреме уште повеќе го зголеми и на крајот заслужено се радуваше на 25. победа во 26. натпревар од АБА-лигата сезонава.

Џенкинс со 21 и Кузмиќ со 14 поени беа најдобри стрелци на „црвено-белите“, додека најефикасен кај Будуќност беа Вилијамс со 14 и Гордиќ со 10 постигнати поени.

Покрај Црвена звезда и Будуќност, во втората полуфинална пресметка за место во финалето битки ќе бијат хрватскиот првак Цедевита и тимот на Партизан.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.