Зидан останува на чело на Реал до 2020 година - Екипа
Сакај СПОРТ!   Читај Спорт!   Живеј СПОРТ!
Ekipa
Останато
22/10/2017 20:35
Останато
22/10/2017 16:31
Фудбал
22/10/2017 16:26
Фудбал
22/10/2017 14:17

Зидан останува на чело на Реал до 2020 година

Зидан останува на чело на Реал до 2020 година

Реал Мадрид се подготвува за стартот на новата сезона во која „кралевите“ ќе ги бранат трофеите во ЛШ и во Примера дивизион, а претседателот Флорентино Перез е подготвен да го награди најзаслужниот за овие успеси – тренерот Зинедин Зидан.

Младиот стратег блесна откако го наследи на клупата Рафаел Бенитез, за само 19 месеци освои дури шест трофеи со Реал, целосно ја контролира соблекувалната и има извонреден однос со сите фудбалери, па јасно е зошто раководството на најтрофејниот европски клуб му понуди нов договор на легендарниот Зизу.

Како што информира весникот „Ас“, Зидан во следните десетина дена и официјално ќе го стави својот потпис на новиот договор, за кој сите детали се веќе средени. Имено, со тој договор Зизу ќе заработува осум милиони евра по сезона и ќе остане на „Сантијаго Бернабеу“ до 2020 година. Згора на тоа, франускиот стручњак ќе добие двојно повисоки премии за секој освоен трофеј во однос на премиите што ќе им бидат исплатени на фудбалерите.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.