Зидан: Прекрасен прием во Македонија - Екипа
Сакај СПОРТ!   Читај Спорт!   Живеј СПОРТ!
Ekipa
Топ Вести
Фудбал
19/09/2017 12:25
Фудбал
19/09/2017 11:51
Фудбал
19/09/2017 11:20
Коментари
18/09/2017 13:09

Зидан: Прекрасен прием во Македонија

Зидан: Прекрасен прием во Македонија

Зинедин Зидан изрази задоволство од новиот трофеј во својата богата колекција, но францускиот стратег исто така и искажа благодарност за пријатните два дена минати во нашата земја.

„Имавме пријатни мигови во Македонија. Прекрасен стадион, луѓето беа многу љубезни домаќини. Реал Мадрид е благодарен за тоа. Што се однесува до мечот, мислам дека одигравме добар натпревар, секое финале е тешко и се добива само ако го надиграш противникот. Среќни сме за трофејот и сега продолжуваме да се подготвуваме за следните искушенија“ – истакна Зидан.

Тренерот на Реал откри и дека планот за Роналдо отсекогаш бил Португалецот да одигра само десетина минути во Скопје, а Зизу имаше посебни пофални зборови за Иско.

„Кристијано беше со нас само три дена, преризично беше да има позначајна улога денеска. Се договоривме да влезе пред самиот крај. Добро е што одигра десетина минути, в недела против Барса ќе има поголема минутажа. Она што ме импресионира е Иско, кој постигна прекрасен погодок и играше одлично цел натпревар. Тој од меч во меч е се подобар, секако дека сум радосен поради тоа“ – прокоментира стратегот на „кралскиот клуб“.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.