„Франс фудбал“ ги објави 30-те номинирани за престижното признание „Златна топка“ за 2018 година. Меѓу нив доминираат играчите на Реал Мадрид, ги има дури осуммина.
На листата се и освојувачите на наградата од последнава деценија, Кристијано Роналдо и Лео Меси кои првпат по подолго време не се главни фаворити. Меѓу претендентите е и добитникот на ФИФА признанието за најдобар, Хрватот Лука Модриќ.
Иако бројката номинирани не е воопшто мала, на листата сепак нема дел од играчите кои оставија голем белег во годината. Токму затоа голем дел од фановите, но и дел од значајните светски медиуми го поставуваат прашањето зошто ги нема Кејлор Навас, Дани Карвахал, Самуел Умтити, Лукас Хернандез, Жорди Алба, Серхио Бускетс, Касемиро, Филипе Кутињо, Иван Перишиќ, Роберт Левандовски и Диего Коста меѓу имињата кандидати за наградата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
