Вистинска драма се случуваше на турнир во мал фудбал во Хрватска, и тоа само поради една нервозна мајка.
На турнирот во Иванково беше исклучено 18-годишно момче, иначе јуниор на прволигашот од Винковци, поради неспортско однесување, недолично навредување судија и намерно удирање противнички фудбалер. Најпрво на тоа реагирал неговиот татко, кој ја водел екипата од клубот. Но, кога и таткото добил исклучување до записничката маса дошла и мајката на момчето, лута поради исклучувањето, и почнала да расфрла се околу себе, и озвучувањето, и техниката, и се што ќе и се најде при рака… На крајот уништила опрема во вредност од околу 4.000 евра.
Целиот случај е пријавен на полицијата, која направила записник, и за нервозната мајка е покрената кривична пријава за нарушување на јавен ред и мир, а дополнително се очекува да добие забрана во траење од две години за присуство на спортски натпревари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
