Вистинско шоу се одвиваше на прес-конференција на репрезентацијата на Алжир по победата од 3-0 против Централната афричка република.
Селекторот на Алжир, Рабах Мадјер полуде по едно наизглед нормално прашање упатено кон нивниот најдобар фудбалер и член на Лестер, Махрез: „Како ја оценуваш денешната игра на Алжир?“.
Но, на Мадјер очигледно не му беше важно какво е прашањето туку кој го поставува затоа што од поодамна имал нетрпеливост со новинарот. Махрез се подготвуваше да одговори, но селекторот го спречи како тој би одговорил:
„Господине Дјебур, новинару на националниот тим. Вие сте непријател на репрезентацијата. Вие сте наш непријател и тоа јавно го кажувам. Слушајте ме… Ве почитувам сите што сте тука, но не и него. Него не го почитувам…“ – одговараше селекторот Мадјер за во еден момент жестоко да се обрати кон новинарот Дјебур:
„Замолчи, замолчи, замолчи, замолчи… Следното прашање ве молам“.
Во целата приказна интересно беше да се погледне и Махрез кој очигледно се најде во непријатна ситуација.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
