Кошаркарите на МЗТ Скопје го запишаа и шестиот пораз во АБА лигата, овој пат на гостувањето против Олимпија во Љубљана. „Металците“ загубија со 94-85 во 8. коло од регионалната лига, останувајќи на претходните две победи.
Во арената „Стожице“ во првото полувреме се играше максимално рамноправно иако домашните постојано одржуваа одредена предност од два до четири поени. Сепак, со тројката на Мајсторовиќ буквално со сирената МЗТ Скопје на одмор замина само со поен негатива (43-42).
BUZZER BEATER! It’s Đorđe Majstorović of @kkmztskopje, from downtown! #ABALiga #OLIMZT pic.twitter.com/EuhZiFYokV
— ABA Liga (@ABA_League) November 12, 2017
Во вториот дел домашните тргнаа далеку поагресивно, па третиот период го добија со 30-24 со што далеку покомотно се впуштија во финишот од мечот носени од желбата за триумф.
Македонскиот шампион на три минути пред крајот дојде до 84-83, за да во финишот токму кога се мислеше дека „металците“ ќе имаат сили за пресврт, по многу грешки на македонските кошаркари, домашните повторно се одлепија до 88-83 и на крајот со неверојатна серија во последните 100 секунди од 10-2 и дури и за убедливи 94-85.
Предводник во победата на Олимпија беше Морган со 20 поени, а Хроват запиша 16 поени. Кај МЗТ Скопје се издвои Мавра со 21 поен, дополнето и со 4 асистенции, 14 поени постигна Дамјан Стојановски, со 13 поени мечот го заврши Лалиќ а со 12 поени – Павличевиќ.
На 19. ноември во салата „Јане Сандански“ во Скопје, „металците“ го пречекуваат црногорскиот Будуќност во рамките на 9. коло од АБА лигата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
