Репрезентативците на Македонија продолжуваат со напорна работа под водство на Раул Гонзалес, на чие барање во оваа ЕХФ седмица немаше контролни средби, туку интензивни тренинзи. Ракометарите знаат што сакаат – што подобар настап на СП во Хрватска, а за исполнување на тие цели неопходно е што подобро воигрување, како и целосно прифаќање на идеите на новиот селектор.
Атмосферата во екипата е одлична, а на вечерашниот тренинг националниот тим го посети и првиот човек на Ракометната Федерација на Македонија, Живко Мукаетов, во друштво на Генералниот секретар на РФМ, Филип Милошевски.
Напредокот е очигледен на тренинзите, за натпревари ќе почекаме до почетокот на јануари, но со оглед на тренерскиот капацитет на Раул Гонзалес и искуството и квалитетот што го поседуваат нашите ракометари, јасно е дека има причина за голем оптимизам.
[new_royalslider id=”826″]
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
