Наполи ја продолжи својата победничка серија и на „Олимпико“ во Рим, победувајчќи ја Рома со 0-1. „Наполитанците“ сега имаат осум победи од исто толку мечеви во италијанскиот шампионат и во моментот се здобија со позитива од пет бода во однос на Јувентус и на Интер, кој утревечер го игра градското дерби против Милан.
Лоренцо Инсиње во 20.минута го постигна единствениот гол на овој меч, а за себе јубилеен 100-ти во кариерата. Тој ја искористи грешката на Де Роси, кој всушност му ја додаде топката и пласираше во спротивниот гол од голот на „волчицата“.
Во вториот дел, Рома двапати беше блиску до израмнување, но немаше доволно среќа. Фазио и Џеко погодија во стативата, но мрежата на Реина остана мирна.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
