Милош Теодосиќ вчера го имаше своето деби во дресот на Лос Анџелес клиперс во претсезонските натпревари во НБА-лигата. Во „Ер Канада“ арената „клиперси“ се пресметаа со тимот на Торонто репторс, мечот го загубија со резултат од 121-113, српскиот репрезентативец не оствари некој учинок кога станува збор за поените, постигна само еден, но имаше импресивни 8 асистенции, која една од нив беше избрана за најдобро додавање од сите вчерашни средби.
„Тој тука пристигна со причина, да докаже што знае и да биде фантастичен при тоа. Тео ги прави другите да делуваат подобро на теренот, па дури и Деандре Џордан. Кога Милош ја има топката, можете да го видите Џордан како наеднаш станува „Јусеин Болт“ само за да истрча под противничкиот обрач и да добие топка од Теодосиќ за да поентира. Многу влијае на другите, веруваме во неговите способности. Со нетрпени чекаме да започне сезоната и да го видиме во најдоброто издание“, истакна Риверс на вчерашната пресконференција.
https://www.youtube.com/watch?time_continue=7&v=bQ9i22KfVyg
Дебитантскиот настап на Теодосиќ во НБА:
https://www.youtube.com/watch?v=g6R33ndyGpQ
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
