Полскиот вицешампион Висла Плоцк во победнички ритам ќе го пречека Вардар во мечот в недела, на стартот од новата сезона во Лигата на шампионите. Избраниците на тренериот Пјотр Пжибецки на домашен терен славеа против Погон Шчечин со 27-21 во првото коло од полскиот шампионат.
Најефикасни во составот на Висла беа полските репрезентативци, Пжемислав Крајевски со шест и Михал Дашек со пет гола. Српскиот реопрезентативец, Немања Обрадовиќ кој по расчистувањето на спорот со Металург и официјално е играч на Висла Плоц, не беше во составот на полскиот тим на овој меч. Според најавата од тренерот на Висла, 26-годишниот српски бек ќе дебитира во дресот на Висла на неделниот меч против Вардар.
фото: sportowefakty.pl
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
