Американската тенисерка Слоун Стивенс е победничка на УС Опен. Тоа е прва гранслем титула за неа во кариерата, а ја освои откако во американското финале во Њујорк ја совлада Медисон Кис, убедливо со 2-0 во сетови (6-3, 6-0).
Стивенс воопшто не беше носителка и пред стартот речиси и да не и даваа никакви шанси за освојување на трофејот. Но, со сигурна игра стигна до големото финале, а во него одигра беспрекорно, и буквално ја збриша од теренот својата сонародничка.
Првиот сет го освои со 6-3, а потоа комплетно се распадна играта на Медисон Кис, која беше 15.носителка на УС Опен. Слоун Стивенс го доби вториот сет експресно, со 6-0 во гемови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
