Македонската репрезентација до 17 години од денеска до 20. август во Дојран ќе има тренинг камп во пресрет на октомвриските натпревари за пласман во елитната рунда на УЕФА од квалификациите за Европското првенство, објави ФФМ на својот официјален сајт.
Селекторот на нашата репрезентација до 17 години, Горан Станиќ, на еднонеделниот камп во Охрид ќе смета на следните фудбалери:
Голмани: Матеј Андов (Вардар), Марко Алчевски (Академија Пандев), Андреј Буторац (Пелистер);
Одбрана: Кристијан Трпчевски (Њу Старс), Борис Јакимовски (Работнички), Божидар Митревски (Работнички), Суад Јонузи (Ст. Гален, Швајцарија), Ален Личина (Работнички), Христијан Стојановски (Работнички);
Среден ред: Емил Скоко (Македонија Ѓ.П.), Иван Николов (Брегалница), Димитар Тодоровски (Работнички), Влада Новевески (Војводина , Србија), Антонио Петров (Публикум, Словенија), Амар Колашинац (Олимпија, Словенија), Стефан Ѓеоргиев (Њу Старс);
Напад: Кире Трпчевски (Њу Старс), Џемал Ибизи (Вардар), Ален Јусуфов (Ред Стар, Австрија), Сухељ Муарем (Шкупи), Куштрим Таири (Шкендија), Нусрет Курти (Металург), Давид Тошевски (Работнички);
„Голем дел од повиканите фудбалери веќе минаа низ младите репрезентации, ги знаеме нивните квалитети, но на овие еднонеделни подготовки ќе вклучиме и неколку нови имиња, како Јонузи (Ст. Гален) и Петров (Публикум) кои верувам, ќе се обидат да ја зголемат конкуренцијата во тимот. Нашата намера беше во составот да го имаме и Јанкулов, но не доби дозвола од Црвена Звезда. Се надевам дека ќе одработиме добри подготовки, бидејќи ова е еден од последните тестови пред почетокот на квалификациите за елитната рунда во октомври кога на домашен терен ќе играме против Словачка, Молдавија и Босна и Херцеговина“, изјави селекторот Горан Станиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
