Шкендија од денеска ги пушти во продажба билетите за квалификацискиот натпревар против Милан кој на 24. август треба да се одигра на „Телеком арената“ во Скопје.
Раководството на Шкендија се одлучи да им понуди на своите навивачи и љубителите на фудбалот популарни цени на билетите кои се движат од 400 до 1.000 денари, во зависност од трибината на арената и позицијата.
Поради големиот интерес билетите се пуштаат порано во продажба, најпрво преку онлајн продажната мрежа на Мктикетс, официјалниот фан шоп клуб во Тетово и киоск Монако во Тетово. Од понеделник билети ќе може да се набават и во Скопје.
Од Шкендија информираат и дека сите нивни навивачи ќе може да купат билети и за првиот натпревар меѓу двата тима кој се игра на 17. август во Милано преку официјалната интернет страница на Милан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА