Македонскиот вицепрвак Шкендија се комплетираше во пресрет на првиот натпревар од воведното коло во Лигата на Европа, што ќе го одигра против молдавскиот тим Дачија, ве четврток на стадионот „Младост“ во Струмица. Во составот се приклучија и тројцата младински репрезентативци, Егзон Бејтулаи, Мевљан Мурати и Марјан Радески, кои беа дел од селекцијата на Македонија до 21 година која учествуваше на Европското првенство.
Тие добија многу кус одмор по враќањето во нашата земја, а од вчера веќе се во погон и се подготвуваат за првиот меч против Дачија. Шкендија минатата сезона стигна далеку во ова натпреварување, беше на чекор до пласман во групната фаза, играјќи во плејоф-колото во Лигата на Европа.
Тренерот Ќатип Османи ги дели последните совети во пресрет на премиерниот меч на европската сцена оваа сезона, а сега ги има на располагање сите фудбалери. Шкендија ќе биде домаќин во Струмица, а цената на билетите изнесува 200 денари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
