Пикерот на македонската репрезентација, Жарко Пешевски (26), останува во редовите на Металург. Пешевски со тимот од Автокоманда се договори за продолжување на соработката и во наредните две сезони.
Македонскиот репрезентативен пикер имаше неколку опции кариерата да ја продолжи во странство. За него беше заинтересиран турскиот шампион Бешикташ кој исто така му нудеше двегодишен договор, а интерес имаше и од романскиот клуб Одорхеи. Но, Пешевски на крај, сепак, одбра да остане во Металург за кој настапува во изминатите седум сезони.
Македонскиот вицешампион и следната сезона ќе игра во регионалната СЕХА лига, а доколку ЕХФ го прифати барањето за вајлд-карта, „металурзи“ и догодина ќе бидат дел од Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
