Шкендија го загуби и вториот трофеј оваа сезона. По шампионската титула која му припаѓа на Вардар, Шкендија не го одбрани ниту трофејот во Купот на Македонија. Загуби од Пелистер во денешното финале во Струмица, по изведување пенали (3-4), откако по 120 минути игра немаше голови.
Тренерот Ерхан Селими е разочаран од поразот, но, сепак, му честита на противникот за освоениот пехар.
„Што да кажам? Ние требаше се да покажеме на теренот. Не успеавме да го одбраниме трофејот. Им честитам на фудбалерите и на стручниот штаб на Пелистер. Тие умешно се бранеа, успеаја да се одбранат, а беа попрецизни при изведувањето на пеналите. Сепак, кога тимот нема да победи – виновен е тренерот. Јас ја преземам целата одговорност. Имав шест дена како главен тренер да го подготвам тимот, мислам дека ги избрав најдобрите, но не успеавме да постигнеме погодок за да оствариме триумф. Уште еднаш, честитки за Пелистер, а ние ќе ги анализираме нашите грешки во наредниот период“, изјави Ерхан Селими на прес – конференцијата по финалето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
