Реал Мадрид му се приклучува на градскиот ривал Атлетико во полуфиналето од Лигата на шампионите, откако „кралевите“ вечерва во суперинтересен натпревар дури по продолженијата од два пати по 15 минути успеаја да го елиминираат Баерн Минхен. Баварскиот гигант со одлична игра успеа да ја надополни негативата од 1-2 од првиот меч во Минхен, но Карло Анчелоти и неговите избраници беа немоќни пред грешките на судиите предводени од главниот арбитар Виктор Касаи.
Унгарецот му овозможи на Баерн прв да поведе преку Левандовски по сомнителниот пенал врз Робен, но потоа целосно го сврте натпреварот во корист на Реал, и тоа во клучните моменти од средбата на „Сантијаго Бернабеу“. Роналдо израмни на 1-1, потоа Баерн повторно поведе со автоголот на Рамос, за во завршницата Касаи да ги преземе работите во свои раце, неоправдано исклучувајќи го Видал во ситуација кога Чилеанецот стартуваше на топка и воопшто не го допре Асенсио.
За судиската трагедија на Баерн да биде уште поголема се погрижи помошниот судија, кој во 105. минута не забележа очигледен офсајд од Роналдо, па Португалецот непречен од никого погоди за 2-2. Гостите беа исфрлени од ритам, се обидоа да сторат нешто повеќе, но откако се отворија набрзина примија уште два гола, првиот преку Роналдо (повторно од сомнителна офсајд ситуација) и последниот кој беше дело на Марко Асенсио.
0-1 Robert Lewandowski Penalty Goal 18.04.2017 HD by dailyfootballkick
1-1 Cristiano Ronaldo Goal 18.04.2017 HD by dailyfootballkick
1-2 Sergio Ramos Own Goal 18.04.2017 HD by dailyfootballkick
2-2 Cristiano Ronaldo Goal Real Madrid 2-2… by diyan-delev
Marco Asensio Goal HD – Real Madrid 4-2 Bayern… by sports-live1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
